حقائق ستسمعها لأول مرة عن الزعيم الألماني أدولف هتلر

أدولف هتلر 

أدولف هتلر ! بالنسبة للبعض هاد السمية لا تشكل سوى اسم طاغية و مجرم حرب ،ولكن حقيقة ضروري نعتارفوا بأن هاد الشخص سواء كان بطلا أو طاغية فهو نجح باش إوصل الأفكار ديالو إلى قسم كبير من الشعب الألماني بسبب الأفكار القومية ومعاداة اليهود وكذلك الحب الكبير للمواطنين الألمان الحقيقيين والكاريزما لي تمتع بها فالخطابات ديالو

 . فهاد التدوينة غادي نتحدث ليكم عن بعض الحقائق الغريبة عن الفوهرر -اللقب الذي كان يطلق على هتلر-. 
هتلر الحلم ديالو كان إولي فنان بل كان كيحاول تعلم الفنون التطبيقية فأكاديمية الفنون الجميلة لكن
الطلب ديالو ترفض . 
أدولف هتلر عاش مدة كبيرة من الحياة ديالو كشخص نباتي وكان كيعطي أوامر صارمة للطباخين ديالو باش ميديروش أي نوع من منتجات اللحوم فالطعام .
 في 11 نونبر 1923 تم القبض على هتلر بعد محاولة الإنقلاب الفاشلة وتوجهات ليه تهمة الخيانة العظمى وتم الحكم عليه بالسجن 5 سنوات ولكن تم العفو عليه قبل انتهاء مدة الحكم . خلال سجنه هتلر ألف كتابا باسم "كفاحي" لخص فيه المبادئ ديالو والأهداف والأفكار ديالو . 
في سنة 1938 تم اختيار هتلر كرجل العام وفقا لمجلة تايم البريطانية . سنة 1939 كان هتلر من بين المرشحين لجائزة نوبل للسلام . هتلر مكانش كيشرب الكحول وكيكره التدخين ،وكان كيحاول إقنع المقربين إليه باش إحيدوا التدخين وعطا لهادوك لي حيدوه ساعة مطلية بالذهب ،إضافة إلى ذلك تعتبر النازية أول من شن حملة معادية للتدخين في الأماكن العامة ،ورفعوا من الرسوم الجمركية على التبغ وحيدوا حصص الجنود من السجائر ،السبب الرئيسي فهاد الحملة هو كره هتلر للتبغ. 

إيفا براون و أدولف هتلر

إيفا براون محبوبة هتلر لي رافقاتو فالحياة ديالو، هتلر كان حريص باش تبقا العلاقة ديالهم سرية ،إيفا دخلت بشكل رسمي إلى بيت هتلر سنة 1936 كمضيفة للبيت مكانتش كتدخل فشؤون السياسة والدولة بسبب القرب والعشق ديالها للفوهرر . ملي قرب الجيش الأحمر إدخل لبرلين في أبريل 1945 هتلر والعشيقة ديالو إيفا رفضو الهرب والخروج من مركز القيادة الألمانية بل وتزوجا بصورة رسمية وفي اليوم الموالي انتحرت إيفا بشرب السم بطلب من الفوهرر في حين المصير ديالو بقى مجهول واش انتحر مع العشيقة ديالو أو لا .
بقلم :Yassin Assimi