مثلث الإختفاء الغامض

مثلث برمودا كيتواجد فواحد المنطقة مجاورة للقارة الأمريكية في داخل المحيط وتحده ولاية فلوريدا الأمريكية وجزيرة برمودا وإقليم بورتوريكو،هاد المثلث على ما يبدو كان ناشط منذ سنين وسنين ولكن أول مرة تشهر هو ملي نشرات واحد المجلة سميتها أسوشتيد برس مقالة لإدوارد فان وينكل واحد عن اختفاء الرحلة الجوية رقم 19.ثم توالت الأخبار عن الإختفاء ديال الطائرات والسفن فهاد المنطقة الغامضة عاد بدات التكهنات والنظريات لي كتحاول تفسر هاد الظاهرة لي تسببت في اختفاء ما يناهزعن 75 طائرة فضلا عن مئات السفن . من بين النظريات لي كتحاول تفسر مثلث الاختفاء الغامض هي نظرية غاز الميثان لي جا بها مجموعة من العلماء الروس والنرويج بالاعتماد على واحد التجربة فروسيا فحسب تقرير نشروه في مجلة العلوم والمستقبل أكد هؤلاء الباحثون أنهم شافوا واحد المنطقة فروسيا كتشقق وكتخرج منها كميات كبيرة من غاز الميثان ومن بعد كتولي حفرة،هاد العلماء أكدوا أن هاد الإنبعاثات ديال غاز الميثان هي السبب وراء الحوادث في مثلث برمودا.ولكن علاش ؟ هاد العلماء أكدوا أن هاد الغاز يمكن أن يكون رغوة و فقاعات فالسطح ديال الماء الشيء لي كيجعل السفن عاجزة على الطوفان وكتغرق بشكل عمودي في اتجاه العمق .وبالنسبة للطائرات هاد العلماء فسروا السقوط ديالها بكون غاز الميثان أخف من الماء وملي كيتواجد بواحد الكثافة لي هي عالية كيرتفع بواحد السرعة خارقة في الهواء وكيسبب خلل فالمحرك وفالرادارات ديال الطائرات وأكد هاد المختصون بلي هاد الانفجارات كتوقع بدون سابق إنذار إعني إلى كانت شي سفينة أو طائرة فوق هاد المنطقة فديك اللحظة فمن المستحيل أن تخرج منها . ومن بين النظريات لي كتحاول تفسر هاد مثلث الاختفاء الغامض أيضا هناك علماء أتوا بنظرية القنابل الهوائية. هاد العلماء فالدراسة ديالهم لهاد المنطقة رصدوا سحب سداسية الأضلاع كتسبب فعواصف تتوصل السرعة ديالها إلى حدود 273 كلم في الساعة وكيعتقدوا بلي هاد السحب هي السبب الرئيسي وراه هذه الحوادث لأن هاد السحب كتخلق أمواج يصل الارتفاع ديالها إلى حدود 13 متر لي بسهولة غادي تقلب سفينة و تسبب فالسقوط ديال شي طائرة. هاد العلماء ملي استخدموا أجهزة الرادار باش إعرفوا أش كيوقع تحت هاد السحب لقاو بلي سرعة الرياح كتوصل إلى حدود 170 ميل في الثانية وتمت تسميتها ب قنابل الهواء لانه بهاد السرعة الهائلة تقدر تقلب سفينة بسهولة .بالإضافة إلى أن هاد العلماء ملي حللوا صور من وكالة الناسا الفضائية لقاو هاد الغيوم سداسية الشكل على مساحة بين 32-88 كيلومتر مربع . ولكن كل هذه البراهين كتبقى مجرد نظريات حيت اليوم أولا غذا ممكن إجي شي واحد آخر اعطي تفسير مقنع كتر من هادا .

مثلث برمودا