 |
| جوان رولينغ. |
سافرات وخلات الوظيفة ديالها وفهاد الوقيتة فاش بدات جوان كتكتب رواية هاري بوتر، الإلهام ديال هاد الرواية جاها فاش كانت فرحلة بالقطار لي تعطلات مدة أربع ساعات وجوان كانت جالسة كتفكر وكتنسج عالم السحر والغرائب ديال هاري بوتر ولكن في نفس السنة ماتت الأم ديال جوان الشيء لي شكل صدمة كبيرة ليها .من بعد جوان سافرت في اتجاه البرتغال للعمل كمدرسة .آنذاك تلاقات مع راجلها و ولدات معاه بنت سماتها جيسيكا ولكن هاد الزواج مدامش مدة طويلة وبسبب العنف ديال راجلها جوان طلقات وطلبات الحماية ديال السفارة البريطانية وفي سنة 1993 مشات لأدنبرة وسكنات مع الأخت ديالها ودات معاها ثلاثة ديال الفصول من رواية هاري بوتر لي كانت كتابتهم من قبل وبنتها جيسيكا .
فديك الوقيتة كانت جوان مصابة بالإكتئاب وفكرات فالإنتحار حيت فشل الزواج ديالها ومكانتش خدامة .ولكن الوصول إلى القاع غالبا ما يكون دافعا للتحليق نحو القمة فبدات جوان فالكتابة مرة أخرى باش تكمل "رواية هاري بوتر وحجر الفيلسوف"بالفعل بعد شهور من المعاناة جوان كملات الجزء الأول من الرواية في صيف سنة 1995. وهنا كتبدا معاناة أخرى لجوان حيت واجهات مشكلة باش تنشر الرواية ديالها ،12 دار نشر رفضات الكتاب ديال جوان ،ملي داز عام جوان لقات دار نشر قبلات تنشر الرواية ديالها وذلك كان بسبب أن مدير دار النشر ورا الرواية لبنتو لي عندها 8 سنين وعجباتها داكشي لي خلاه إوافق إنشر الجزء الأول من الرواية رغم أنه مكانش مقتنع حيت الكاتبة كانت أنثى واتفق مع جوان باش مينشرش الرواية بسميتها وإنما بالحروف الأولى من الإسم .وبالفعل تم نشر الرواية باسم ج.ك.رولينغ . تنشرات الرواية سنة 1997 وكانت جوان فعمرها 32 سنة .
من بعد النشر ديال الرواية بدات بشائر النجاح كتبان وحققات الرواية مبيعات مهمة رغم المشاكل لي واجهتها ،وجاها عقد النشر في الولايات المتحدة. ومن هنا بدأت إمبراطورية هاري بوتر كتبر فبعد صدور كل جزء المبيعات ديالو كتحقق أرقام قياسية فكتب هاري بوتر بأجزائه السبعة وصلات المبيعات ديالو إلى ما يقارب 300 مليون نسخة وترجمات الأجزاء ديالو إلى 66 لغة حول العالم فسنة 2004 الثروة ديال جوان وصلات إلى مليار دولار (حسب مجلة فوربس)لتكون بذلك أول كاتبة تصبح مليارديرة،وفي سنة 2010 صنفت جوان من بين أكثر النساء تأثيرا في بريطانيا .كما تحولات الرواية إلى أفلام حققات أرباح كبيرة فشباك التذاكر . جوان كتساهم فاعمال خيرية بصورة كبيرة وفسنة 2001 أسست صندوق إئتماني للأعمال الخيرية يوظف سنويا ما يقارب مليوني دولار .
جوان حققات إمبراطورية بسبب رؤيا جاتها فقطار ،وبالرغم من من المعانات لي دازت عليها فهي حققات الحلم ديالها.
بقلم :Yassin Assimi
ليست هناك تعليقات:
إرسال تعليق